E faitau selau faiaoga na savavali agai i le maota fono i Ueligitone a o iai i solo tetee o loo faasolo i le vaiaso nei.
O lea na tapunia uma aoga maualuluga mai Ueligitone agai i Taranaki ma Hawke’s Bay a o oo atu ai ia i latou le faasologa o tetee a faiaoga o kolisi maualuluga.
O le asō o loo faaauau ai e Aukilani faasolo atu i le itu i Matu, ma o lea lava ua tele ina aooga mai ai fanau i le fale.
A o iai la i lumāmaota o le Palemene ananafi na faailoa e le peresetene o le asosi a faiaoga o kolisi maualuluga, ua tatau ona aofia atu ai ma totogi o faiaoga i totonu o polomisi a le malo ona o le mea sa’o o lea foi e iai faiaoga ua toe i’u i food banks auā meaai mo aiga ma fanau.
E ui o lea na toe sau le isi ofo a le malo lata mai nei e maualuga atu na i lo le ofo na tuuina mai ia Oketopa, peitai e le o faamalieina ai le iuni ona e le o le siitaga lea o loo mananao ai.
I lipoti a le leitio a Niu Sila mai Ueligitone ananafi, o le toatele o faiaoga e le o toe fia auai i ni tetee peitai ona o le tuai ona maua o se tali i o latou totogi lea ua fai fai umi ai.eee
Comments
Loading comments…