O le asō o loo faaauau ai le sueina e leoleo o se pepe faatoa fanau mai lea na aveesea mai se falemai i le itu i Saute i Sasae o Kuiniselani.

Ua faamatuu ai ma se lapataiga o le amber alert mo le sailia o le pepe na o le lua aso le matua ae na aveesea mai e le tagata mai le falemai i Ipswich ma o loo fia talanoa ai leoleo i se tagata e 18 tausaga le matua o se tamaitai e suafa ia Khloe Bornen.

Sa faailoa muamua e leoleo na vaaia ni tamaitai se toalua o aveesea mai le pepe ma agai atu i se taavale lanu paepae o le suzuki Liana.

Ua toe maua la le taavale ae le o iai le pepe i totonu.

E talitonu leoleo o le pepe o loo i le tamaitai lea o Bornen.