Faaauau pea le fesoasoani a Iapani mo le SVSG

E lua ni fale tetele ua tuuina aloaia atu e le Malo o Iapani mo le Samoa Victim Support Group i lalo o lana polokalame fesoasoani ua faaigoaina o le Grass Roots Human Security Project.

O nei fale tetele e luau na fausiaina i totonu o le malae a le SVSG i Tuanaimato le Campus of Hope ma o le vaiaso nei lea na tuu aloaia atu ai e le Malo o Iapani ki mo nei fale ma tatala aloaia ai loa.

E pei ona silafia o le faalapotptoga a le SVSG o le latou matafaioi o le fesoasoani lea i fanau laiti ma tupulaga o loo aafia i soo se sauaga.

E $193,000 tala Amerika le fesoasoani a Iapani na tuuina atu i le SVSG ma e tusa lea ma le $477,000 tala samoa. Na molimauina e le Amepasa o le malo Iapani i Samoa lea faamoemoe faatasi ai ma uo ma paaga a le SVSG.

Taua e le Tamaitai Faamasino Sinia o Faamasinoga Faaitumalo Talasa Atoa 
Saaga lea na fai ma lauga autu “o nei fale o le a fai ma mapusaga ma le ola toe faafouina ma le faamoemoe ia maua ai e tina ma tamaitai faapea fanau se ola filemu”

“These walls represent homes of transformation and renewal, and within 
these walls women and children will find comfort, security and hope

O nei fale tetele o le a faaogaina lea mo aoaoga ae le gata o le nonofo saogalemu ma soifua maloloina o fanau o loo i lalo o le puipuiga a le SVSG.

Taua e le malo o Iapani o le a faaauau pea le tuu mai o le tauau fesoasoani mo le SVSG aua lava se ola lelei ma le manuia o fanau ua puapuagatia ma sauaina i totonu o aiga ma nuu.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required