Faaauau pea le faia o mea faapāpā e faafeiloai ai le tausaga fou

O le a faafeiloai e Samoa le tausaga 2022 i se faaliga o mea faapāpā i le afiafi o le Aso 31 o Tesema o le tausaga nei ma na faamaonia mai e le tamaitai Palemia lea tulaga. 

Taua e le afioga Fiame Naomi Mataafa o lenei vaega taua e ala i mea faapāpā o le a gafa ma le Pulega o Tagata Tafafao Maimoa mai Fafo. Faailoa e le Palemia ua autasi le Kapeneta e talia le fautuaga  a le Pulega a le STA ina ia faaauau lea vaega mo le tausaga fou.  

I le tele o tausaga na faia ai nei mea faapāpā i le uafu i Matautu peitai o le faamoemoe o loo loma nei ua fautuaina ina ia faia i le mauga o Vaea mo le saogalemu. O le nofoaga foi lea na faia ai mea faapāpā o le tausaga nei. 

O le tele o faamoemoe faapea e molimauina e le mamalu o le atunuu e malaga atu i le tau laga i Apia ma o latou aiga. O le tausaga nei o Samoa le atunuu muamua o le lalolagi na mua’i aulia ma faamanatu le tausaga fou. 

O le Aso Faraile o le vaiaso na te’a nei na faatino ai lava nisi mea faapāpā a le vaega a le HRPP ma o se tasi lea o vaega na talosagaina e le taitai o le ituagai i le Mālo fou ina ia faaauaupea i tausaga taitasi o le fai lea o mea faapāpā e faa feiloai ai tausaga fou.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required