AstraZeneca vaccine

Faaauau pea le AstraZeneca e ui I le fesiligia o potoi toto maua I le maea faia o tui

O Kanata ma Ausetalia atunuu ua ripotia mai le maua o cases o potoi toto I le maea ona faia o tui faaaoga ai le AstraZeneca

O le tama 60 ma ona tupu tausaga lona matua I le itumalo o Alberta I Kanata lea na faamaonia, ua faasolosolo manuia nei mai togafitiga na faia ona o aafiaga

Peitai e ui I le faamaonia o le fesootaiga o nei aafiaga mafua mai I le AstraZeneca, ae e le o suia ai le faaiuga a le soifua maloloina o lea atunuu e faaauau pea tuiga faaaoga ai lenei vailaau mo I latou ua 55 tausaga agai I luga

O se case ua faamaonia mai I le maea sau ai o tala e ono fesootai lenei tui ma le maliu o se tina Ausetalia 48 tausaga I le fa o aso talu na uma ona fai lona tui

Ma ua saunoa foi le minisita o le soifua maloloina o Ausetalia, Greg Hunt, e le o suia ai tuiga o faagasolo

O le faatumauina o faaiuga a Kanata ma Ausetalia, o loo o tutusa ma le fautuaga a le faalapotopotoga a le soifua maloloina I le lalolagi lea na aumai mo atunuu Pasefika I le vaiaso talu ai, e faaauau pea tuiga faaaoga ai le AstraZeneca e ui I le fesiligia o lona saogalemu

O le ituaiga vailaau lava foi lenei e tasi o loo faaaogaina I tuiga ua amata faagasolo I le vaiaso nei I Samoa, le AstraZeneca lea na muai amata e le alii palemia o loo faaauau mo se taimi le tumau, Tuilaepa Lupesoliai Sailele Malielegaoi I le Aso Sa faatoa uma atu

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required