Pike River Mine

Faaauau pea galuega suesue ile Pike River Mine

Ua taunuu le au suesue ile Pike River Mine I le tulimanu aupito I mamao I totonu o le ana e pei ona faagasolo ai a latou galuega I lenei vaiaso.

O le ofisa sili o loo feagai ma le suesuega o Dinghy Patiinson na ia faailoa o galuega faasuesue faasaienisi sa faia I luma o le nofoaga sa iai le taualuga o le mine lea na solo I le aso na tupu ai le faalavelave I le masina o Novema 2010 na aafia ai le tusa ma le 29 o tagata faigaluega o le mine e oo mai I le aso e lei mafai ona faasaoina.

Faalia e Pattinson e lagona e I latou ma le aufaigaluega ua maea faatino le suesuega I le tulaga e mafai ona faia ai ma le saogalemu, ma ua tusia sa latou tusi ile faitotoa o le ana faatatau ile suesuega sa faia mo I latou na aafia ai.

O loo iai isi galuega o loo taua ile lipoti o le a faia ile Pit Bottom in Stone, o se laina umi o ana pe a male 1885 mita ile mine drift tunnel. O loo fuafua le Pike River Recovery Agency e faamaea ana galuega laveai poo le ogatotonu o lenei tausaga

LAUILOA

Keep uptodate with Radio Samoa activity & promotion

* indicates required