Photo: Samoa global

Faaauau pea galuega alofa a le SVSG

Na vaaia le omai faatasi o faufautua a le Faalapotopotoga o le Toomamaga mo e Puapuagatia e puipui se teinetititi 7 tausaga le matua ao ulufale atu ai i le potu faamasino, o se tasi na aafia i ni sauaga mataga mai lona lava tamā. 

E 47 tausaga o le tamā lea na mua’i teena ona tuuaiga o le faia o ni uiga mataga i lona afafine, i le taimi na tulai mai ai le faalavelave e na’o le 7 tausaga o lea teineititi. O le Aso Gafua o le vaiaso nei na valaau ai le mataupu i luma o le faamasinoga maualuga ma na sui ai le tali tetee a lea tamā  i le tali ioe i moliaga e 2 o le faia o uiga mataga i se teineititi i lalo ifo o le 12 tausaga le matua. 

O le suia o le tali a lea tama na faasaoina mai ai lē na aafia mai le tuu atu o ni molimau ma ni faamaoniaga i luma o le faamasinoga. O se aso o le masina nei o le a lau ai le iuga o lea tamā. 

Taua e le Peresetene o le Toomaga mo e Puapuagatia Siliniu Lina Chang na ripotia atu lea solitulafono ia i latou i le amataga o le tausaga nei ia Fepuari ma ua lata i le 10 maisna talu ona o latou mafuta ma lea teineititi laititi. 

Na ia taua foi ao faatāua ai e Samoa le 16 Aso o gaioiga tetee ai i sauaga o loo tpaena foi le SVSG e auina atu nisi teine laiti se toalua i luma o le faamasinoga foi i ni mataupu na aafia ai i laua i solitulafono lava i sauaga mataga. 

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required