O le polokalame a le Malo o Ausetalia ua ta’ua o le Australia Pacific Flights programme, ua mafai ona faaauau ai pea ona lele i le va o Samoa ma lea atunuu vaa o le kamupani vaalele a le atunuu le Qantas.
Ua faailoa i fesoota’iga televavave e le Ofisa o le Malo o Ausetalia i Samoa o le masina fou o Iulai o le a faaauau pea ona faia malaga a vaalele o le Qantas i Aso Lua o vaiaso ta’itasi.
O loo iai se talosaga a lea kamupani vaalele ua tuuina atu i le Matagaluega o Galuega tetele ma fela’ua’iga mo se pemita e faataga ai ona faia ni ana malaga mai Sini ma Brisbane pe a oo ina toe tatala tuaoi faavaomalo o Samoa i le masina o Aokuso, ae o le isi kamupani vaalele le Virgin Australia o loo faaauau pea ona faia ana malaga aga’i mai i Samoa e tusa o le pemita faataga ua mae’a ona faamautu talu mai tausaga ua tuanai.
