O le Puna o le Ola o le igoa lea o le vaipuna i le afioaga o Vini Fou i Apia, e le gata o se vai e feinu ai tagata, ae e faaaoga foi e faamalu ai ma isi vaega tāua, e pei o le faaola ai o le kapisi vai e aoga tele i taumafa mo le soifua maloloina.
O le ekalesia faapotopotoga kerisiano Samoa i Vini Fou ua latou faia se galuega lelei, o le toe tapue o le ola lelei o le vaipuna ina ia faaauau pea le lelei ma lona saogalemu mo le faaaogaina i aso uma.
O lea ua mae’a le galuega ma ua toe faafouina le ola lelei o le vai ona o le fesoasoani a le faalapotopotoga o le atina’e a Malo Aufaatasi le UNDP na foaina se seleni e 50 afe tala, e toe faaleleia ai le Puna o le Ola.
O se tasi lea o galuega tāua mo tagata lotu o le EFKS a Vini Fou auā o aiga o alala ai i le nuu, o loo faalagolago i le vai o le Puna o le Ola.
Ua ave ai le faafetai a le ekalesia ma ē na taulamua i le faamaite o lea galuega i le UNDP i le agalelei ua tali atu i le latou talosaga mo se fesoasoani e toe faaleleia atili ai ma puipuia malu pea lea alaga’oa o le latou siosiomaga faalenatura.
