Ua 26 nei tausaga o faaauau pea ona tuuina atu e le Malo foai tupe e fesoasoani ai i le faaleleia o le atina’e o faalapotopotoga tau pisinisi i le atunuu, lea na amata i se vaegatupe e 30 afe, ae ua faatuputeleina faalapotopotoga nei ma ua oo atu ai i le 250 afe tala vaegatupe e faasoa atu iai e le Malo.
O lea faatoa lua nei tausaga o faamatuu atu e le Malo se isi fesoasoani tupe mo le unaia o le faalauiloaina o faalapotopotoga tau tagata faigaluega i le atunuu ma e 25 afe tala se vaegatupe ua faaalu ai e tau ala mai i le Matagaluega o Alamanuia Pisinisi ma Leipa.
O le tausaga nei e 10 faalapotopotoga o atina’e tau pisinisi ua vaevae iai le 250 afe, ae lima faalapotopotoga tau tagata faigaluega ua faamatuu iai vaegatupe tai lima afe tala.
Ua faailoa e le Minisita o Alamanuia Pisinisi ma Leipa, e tāua tele i faalapotopotoga tuma’oti o loo maua lea faamanuiaga tau tupe ona tausisia taiala o le faaaogaina o seleni, auā o le tasi lea o mafuaaga ua le agavaa ai nisi o faalapotopotoga i le tufatufaga o lenei tausaga.
Le Minisita o Alamanuia Pisinisi ma Leipa le tofa Leatinuu Wayne Sooialo.
O faalapotopotoga tau atina’e o pisinisi ua faamanuiaina i lea fesoasoani tupe a le Malo,
- Samoa Chamber of Commerce & Industry Inc. $50,000.00
- Women In Business Development Inc. $45,000.00
- Samoa Association of Manufacturers and Exporters Incorporated $40,000.00
- Samoa Hotels & Hospitality Association Inc. $35,000.00
- Business of Salafai Association Inc. $25,000.00
- Samoa Federated Farmers Inc. $20,000.00
- Samoa Information and Technology Association $20,000.00
- Samoa Mamanu Designs & Manufacturers Association $5,000.00
- Tautai Samoa Association $5,000.00
- 10. Asosi mo Atina’e Laau Toto Savaii $5,000.00
O faalapotopotoga mo tagata faigaluega ua maua le tai $5,000
- Samoa Workers Congress
- Public Servants Association
- Samoa Nurses Association
- Samoa Seafarers and Maritime Association
- Samoa Medical Association
Comments
Loading comments…