Ua faailoa e le faletupe tutotonu o Samoa le Samoa Central Bank le fa’aaoga ai o tupe pepa fou o le 50 tālā ma le 100 tālā ua fa’aaoga ai le pepa ‘i’ila ‘anagatā e ta’ua o le polymer substrate.
O le Aso Gafua o lenei vaiaso fou le aso 8 o Tesema ua amata fa’aaoga ai ia tupe pepa ua toe lolomiina mai e fa’aaoga ai le ituaiga o pepa ‘i’ila ‘anagatā e pei ona faailoa e le faletupe tutotonu, e aoga e puipuia mai ai ia tupe pepa mai ni gaioiga e ono lamatia ai le saogalemū; aemaise lava faiga o loo lolomi ai e nisi tupe pepa taufaasesē.
O loo fa’aaogaina e atunuu o le lalolagi lea suiga i le gaosia o tupe pepa ona ua mautinoa le malu puipuia ma saogalemū.
