E 15 lelei ata o tagata sa solo tetee i le Palemene ua faamatuu mai nei e leoleo mo le sailia ai o se fesoasoani e fia iloa tonu poo ai i latou ia. Ta’ua e le Stuff o se su’esu’ega tele a leoleo lea ua faaaogāina ai ata ma videos e sailia ai i latou ia ma pu’eina i latou sa faia gaioiga solitulafono.
Fai mai leoleo o se galuega tele lenei ma ua mana’omia ai le fesoasoani a le atunuu. Ua ta’ua foi i le lipoti ua oo atu i le 250 tagata ua pu’eina e leoleo mai le va o le aso 9 o Fepuali ma le aso 4 o Mati.
O ata ua maua e leoleo e eseese uma auala na maua ane ai ma ua talosagaina tagata afai e silafia ni faamatalaga ia i latou o loo i luga o ata, ia vave logo le ofisa o leoleo.
