Taulapapa Brenda Heather Latu
Taulapapa Brenda Heather Latu

Faaalia se finagalo o Taulapapa i le mataupu o le vaalele ua toe faafoi

I se finagalo faaalia a le tamaitai Loia o le Ofisa Loia o le Latū Lawyers ia Taulalapapa Brenda Heather Latū e iai le faaletonu ma le faafitauli i le manatu ua faailoa lautele e le Kamupani a le atunuu o Ireland e ana le vaalele 737-800 ua toe faafoi iai lo latou vaalele ina ua faamuta le lisi a le Mālō.

O le manatu faaalia  o Taulapapa i le lomiga a le niusipepa a le Samoa Observer o loo ia faailoa ai e le’o le Kamupani na lisi mai ai le vaalele ma ave iai le ripoti a le Ofisa loia ae o le Komiti ma filifilia e le Mālō sa talosagaina le latou Ofisa loia e faia se sailiiliga faaletulafono i tulaga tau tupe o le Kamupani Vaalele a le Samoa Airways faapea aiaiga o le lisi o le vaalele.

Faaalia e le tamaitai loia sa tāpā le sailiiliga ona ua lē mafai e le loia sili a le Mālō ona faatino lea galuega e mafua ona e iai sootaga vāvālalata o le tamaitai Loia Sili ma le Ofisa Sili o le Pulega o le Kamupani Vaalele o le Samoa Airways. O le faigamalo fou na talosagaina e Pulega o Kamupani e lua le Samoa Airways ma le Polynesian Limited ma osi feagaiga ma faia aiaiga o le lisi ma le Kamupani e ana le vaalele ma faamautu ai le lisi i le masina o Fepuari o le tausaga nei.

Peitai ua faaalia e Taulapapa e le’i atoatoa le

silafia o le Minisita ua iai nei o le Kamupani Vaalele ma le Mālō i tulaga tau tupe aemaise aitalafu o le Samoa Airways sa faigata foi ona maua se silafia o le faigamalo i lea tulaga ona e faapea ma tuai ona tuuina atu e le Pulega o el Kamupani vaalele faamatalaga uma tau tupe o le Samoa Airwyas.

O le sainia o le lisi o le vaalele ae o loo silafia e le Pulega o le Kamupani Vaalele i lea taimi o loo mafiafia ana aitalafu o se tulaga lea e aafia ai aiaiga o tulafono tau Kamupani o totonu o le atunuu.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required