‘Ua iai nei Europa i le fetaula’iga ala i lona talafaasolopito’, o se faamatalaga lea mai le Palemia o Peretania, Kier Starmer i le fonotaga a ta’ita’i o Europa o loo faagasolo i Lonetona a o sa’ilia ai e i latou ia le faatonutonuina o feutana’iga o loo faia e faatatau i le taua a Ukraine ma Lusia, ia ese mai ia Amerika.

Saunoa Starmer e lē o se taimi lenei mo le toe faia o nisi mau tala ae o le taimi e gaioi ai.ee

O le tāua o le fonotaga o loo faagasoloeoeloe tulimata’ia uma e le lalolagi aemaise ina ua faale lelei le iuga o talanoaga a Trump ma Zelensky i le faai’uga o le vaiaso i le falepa’epa’e ma o lea la o loo aofia ai ma Zelensky i le fonotaga o loo faia.

Ta’ua e le Palemia o Peretania o loo latou galulue faatasi nei ma Farani ma isi ta’ita’i o Europa e taumafai se fuafuaga e taofia ai vesiga ma tuuina atu ai loa so latou finagalo ia Amerika.

Ma faafetaia e Zelensky finagalo faaalia o ta’ita’i o Europa ma ia ta’ua ai o le tutū faatasi o Europa i le taimi nei o se tulaga ua leva e le’i toe vaaia.

Puna o Faamatalaga: https://edition.cnn.com/2025/03/02/europe/ukraine-russia-zelensky-starmer-summit-intl/index.html