Faamaonia mai e le MetService a Niu Sila le telē o le avanoa e ono tuuina mai ai sa latou fautuaga mo tagata lautele i South Island i tulaga o le maualuga o le vevela o le a iai lea faaitu.
Māua foi, le vave faalogoina o le malosi o le vevela nai lo o isi tausaga.
I faamauamauga ma faamatalaga mo le asō, o loo maitauina ai:
Timaru: 30°C
Dunedin: 28°C
Christchurch: 29°C
O le Aso Tofi e ono o atu ai le malosi i le 30°C.
Ta’ua e le sui o le vaaitau, o le tele lava o taimi e faato’ā tuuina mai lava faasalalauga ma fautuaga i tulaga o le vevela mai le masina o Tesema aga’i atu i le masina o Fepuari, peita’i ua vave amata ona mātā’ituina lea vaega; talu ai le molimauina le mafanafana tele o savili e agi mai Mātū i Sisifo.
Faamauina e maualuga atu nai lo o vevela e masani ai mo le masina o Novema.
Ua fautuaina tagata uma ina ia māta’itu lelei le iai i fafo mai le vevela ma le la.
