E ono oo atu i le $4 piliona le tupe e toe faaalu e faaleleia ai mea na faaleagaina e lologa na aafia ai Aukilani i le amataga o le tausaga.
O faamaumauga nei ua oo iai le faaopoopo a le Auckland Council ma o se siitaga tele pe a faatusa i le na o le $1.2 piliona lea na muai faailoa mai i le taimi ua alu.
O le $4 piliona foi ua faamautinoa mai e le sui o le Auckland Council e le faapea o le aofaiga lea o le a totogi uma e tagata Aukilani.
I le taimi nei o lea e saofai i le 800 fale na faaleagaina, ma o loo faasolo pea lava foi iloiloga e iloa ai fale e agavaa i le faiga o le a toe faatau ese ai e le malo fale na faaleagaina.
O faamaumauga ua toe sau nei na maua mai ina ua toe faailoa faalauaitele e le Auckland Council ana lipoti i luga o le New Zealand’s Stock Exchange mo le au inivesi.
