E silia ma le miliona telefoni feaveai e ono lē mafai ona tavili ai le numera triple 0 mo ni nai masina e pei ona faailoa i lipoti a le ABC.

Na ta’ua i le lipoti i le asō o le fuafuaga a le Telstra ina ia tapunia lana auaunaga lea i le aso 30 o Iuni ma ua fuafua le Optus e faatino foi lea tulaga ia Setema o lona uiga o le a iai telefoni o le a lē mafai ona toe faaaogāina pe a leai le 3G.

Ua faailoa i le lipoti a le ABC e ui i le vave mai o le taimi e tupu ai lea tulaga ae pe ā ma le 113 afe paaga a le Telstra e lei upgrade ina telefoni ma e lei faailoa ane e le Optus se fuainumera o ia telefoni i le ABC.

Ua faailoa ua faatū e le malo se komiti galue e silasila i le tulaga lea ma lipoti atu i le minisita ma ia faamautinoa e sologa lelei le tapuniaina o le 3G network.

Puna o Faamatalaga: https://www.abc.net.au/news/2024-04-08/million-iphone-android-devices-caught-out-3g-shutdown/103673864