Alu i luga le pasene o tagata lagolago mo le ACT, ma e ono mafai ona o laua fausia se faigamalo ma le National.
O le faai’uga lea o le palota faapolokiki a le 1News Kantar Public Poll pei ona alu ai i luga i le 4% ma ua 11%, ma o ni pasene o loo atagia ai e mafai e le ACT ma le National ona maua nofoa e 62.
Tuu mai i le Labour, o loo faaauau pea ona pau le lagolago mo le Labour e pei ona faamauina talu mai le amataga o le tausaga ma a faatusa ia Setema o le tausaga talu ai e 10% ua sau ai i lalo ma o le pasene maualalo lava lea ua maua e le Labour i totonu o le 5 tausaga.
Mo le National, e 2% ua sau ai i lalo faatusa i faai’uga o Me, peitai o loo faatumauina pea i le tulaga muamua e 37%, lona lua atu ai le Labour e 33% ma le ACT e 11%.
I se tali mai le tamaitai Palemia Jacinda Ardern, o ni faai’uga o loo atagia mai ai taimi faigata e lē gata mo Niu Sila na o ia a o atunuu mamao.
Ae mai ia Christopher Luxon o le National, ma David Seymour o le ACT o loo autasi finagalo ua moomia se suiga ma ua moomia ai se faigamalo fou.
