E le’i taofia e le autetee le asiasiga a le Palemia na alu i le kolisi a Te Aratai i Kalaiesetete ananafi. 

Tusa ma le 50 i latou na faamaopoopo i fafo ane o le aoga ma o i latou nei o loo tetee e lē gata i le Three Waters ma Malo Aufaatasi, o faasalalauga ma isi lava o mataupu. 

Na suia ai ma le faitoto’a e ulufale ai le Palemia e pei ona faaaogā ai le auala i tua. 

I lipoti o lea tetee na tuufaatasia e le Freedom and Rights Coalition poo le kulupu o loo lauiloa i tetee o le tui o le Koviti. 

A o iai le palemia ananafi i lea nofoaga e tatala aloaia le kolisi fou ua suia ai Linwood College na vaaia le lolofi ane o fanau aoga mo pu’ega ata.