O le tagata o loo fetaua’ina na fealua’i atu ma le fana i North Shore ma mafua ai le tapunia o aoga i Aukilani i le vaiaso nei ua ta’ua mai e lei maua lava.
E lei iai nisi ua molia e leoleo i le mataupu lea i le faaitu o Belmont e pei ona lipotia atu ananafi. O aoga o Belmont Intermediate, Bayswater school, Takapuna Grammar, Northcote Intermediate ma Belmont Primary na loka mo le pe ā ma le 40 minute ona o puipuiga lava mo le saogalemu a o sailia e leoleo le tagata e pei ona ta’ua.
O se pepa o faamatalaga mai leoleo i le asō ua faamaonia ai e lei iai lava se isi ua molia i le mataupu lea ma o loo faaauau pea suesuega.
