speaker
Fofoga Fetalai - Papalii Li'o Taeu Masepau

E le’i mae’a iloiloga a le Fofoga Fetalai i le mataupu i le faitioga tusitusia

I le tauaofiaga o le fono a le Palemene i le taeao nei na faailoa ai e le Fofoga Fetalai le Susuga Papalii Li’o Ta’eu Masepa’u e le’i mae’a iloiloga a le nofoa i itu tāua o le mataupu e ala i le faitioga tusitusia na ia taulimaina i le vaiaso na te’a nei. 

E pei ona silafia o le Aso Faraile o le vaiaso talu ai, aso 29 o Aperila, na faailoa ai e le Fofoga o le maota se faitioga tusitusia mai se tasi o sui o le Palemene e faasaga lea i nisi o sui usufono, e ui e le’i mafai ona faailoa e le Fofoga Fetalai suafa o i latou o loo aafia i le mataupu, peitai mulimuli ane na faailoa e le taitai o le Itu agai Tuilaepa Lupesoliai Sailele Malielegaoi, o ia ma le failautusi o le HRPP Lealailepule Rimoni Aiafi lea o loo faasaga iai le tusi faitio na faaulu e le Sui Palemia, Tuala Tevaga Ponifasio. 

O le itula e 4 o le afiafi o le Aso Gafua, aso 2 o Me sa faagata ai le tuuina atu o se tali tusitusia a sui faipule o loo faasaga iai le faitioga ma sa iai le faamoemoe o le toe tauaofia ai o le Palemene i le taeao nei o le a faailoa ai se faaiuga a le Fofoga Fetalai, peitai na ia ta’ua “E le’i mae’a le iloiloga a le nofoa i itu tāua o lenei mataupu, ou te faamalūlū atu ai i le paia o le Palemene o le a mafai ona tuuina mai le faaiuga pe a mae’a iloilo vaega tāua uma mo se faaiuga talafeagai”. 

E iai le talitonuga o le mataupu i le faalemigao i le faamasinoga o sui faipule ia e toalua o le mafuaaga lea o le tusi a le Sui Palemia. 

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required