I le feiloaiga a tusitala ile vaiaso nei ma le taitai o le itu agai na faaalia ai e le susuga Tuilaepa L Sailele Malielegaoi, na pau le taimi sa aliali ai ni faaletonu faapea ile eletise ao tulai ile taitaiga o le malo, o taimi e leaga ai le tau ini matagi malolosi ma ni afa. Ua faailoa foi e le taitai o le itu agai, ua le mulimulitai le minisita o iai nei o le malosi tau eletise i taiala ua uma ona faataoto e faafoe ai le auaunaga a le faalapotopotoga o le eletise.
Le taitai o le itu agai susuga Tuilaepa Lupesoliai Sailele Malielegaoi ile feiloaiga ma tusitala. Na maua se fesootaiga ile Minisita o Galuega tetele o loo iai ma le vaaiga o le faalapotopotoga o le malosi tau eletise, ma tapa ai sona finagalo ile tulai mai pea o faaletonu ile eletise ile motu o Upolu.
Se finagalo o le Minisita o galuega tetele e aofia ai le faalapotopotoga o le malosi faaeletise le tofa Olo Afoa Fiti Vaai.
