E lē o tatalaina i tua e leoleo i Canberra le tagata lea na tupu ai le faalavelave i le aso ananafi na fefefe uma ai le to’atele sa iai i le malaevaalele i Canberra faapea ai ua tula’i mai se faalavelave e pei o faalavelave tutupu i Amerika.  

O Ali Rachid Ammoun ua molia nei e leoleo i moliaga o auupega ma e 63 tausaga o lea alii mai NIu Sau Uelese ua taofia pea nei e leoleo i le mae’a o lona tafanaina o vaega o le malaevaalele i Canberra i se fana na aga’i atu ma ia i le aso ananafi.  

E leai se tasi na faamanu’alia a o tafana e le tagata lea faamalama o le terminal a o le’i taunuu atu leoleo ma taofia ai o ia ma aveese mai ma le malaevaalele a o tamomo’e ese le to’atele na iai i lea taimi. 

E tolu itula na loka ai le malaevaalele a o faamautinoa e leoleo ua saogalemu le nofoaga. E le’i iai sana tali i ona moliaga ua faataatia nei e leoleo.