E lē o mananao le Wellington Labour Party i le fuafuaga a le Council e faatau ese atu le 34% o ana Sea o loo iai nei i le malaevaalele.
O le finau a le sui faatonu o le komiti a le Wellington Labour, o aseta nei e matuai tāua tele i le tamaoaiga o le aai ma o le mafai ona taofiofi o Sea nei o le a maua ai le avanoa e faaleo atu ai leo o le Council i le faagaioiga o le malaevaalele.
O le popolega o le sui faatonu, a faamamulu uma atu nei le malosiaga e pulea ai e tino tutoatasi, o lona uiga ua leai se malosiaga o le Council.
O Sea nei na palota ai e le Council a Ueligitone i le masina o Novema i le tausaga talu ai e tatala le avanoa i tagata lautele e faapalota ai le faatau ese, i le tau e tusa ma le $278 miliona.
I totonu o le 10 tausaga ua mavae, e lata i le $100 miliona dividends toe foi mai i aseta nei, ma e lē fetaui le faatau ese o se aseta o loo maua mai ai polofiti.
Ae i se manatu mai le Council, e moni o se alagatupe lelei peitai e lamatia gofie ona o lea e na o le tasi le faaputuga o loo faaputu ai ae ua lē faasalalau.
