Ua le o tuuina mai le lipoti masani o le koviti i le asō e pei ona maua i le stuff.co.nz sei vagana ai se faamatalaga o le a aofia ai le piliota mai le aso 16 o Ianuari agai mai i le aso 22 o ananafi lea ona ua faailoa o le asō le Wellington Anniversary Day, o lea o le a faamatuu ai lea lipoti i le aso a taeao.
O le lipoti talu ai sa faailoa ai le faaauau pea ona faaitiitia le aofai o tagata ua aafia i le koviti i totonu o Niu Sila talu mai se aofaiga tele sa iai i le vaitau i luma atu o le Kerisimasi.
O le asō ua atoa ai le tausaga talu ona faalauiloa e le malo le iai o tagata ua aafia i le omicron variant i totonu lava o le komiuniti e ese ai tagata e malaga mai i tuaoi o le atunuu, o i na amata faasee ai loa le atunuu i le lanu mumu e pei foi ona iai faatulagana i lea taimi i le faatonutonuina o le faamai.
