O loo fia talitonu le minisita o le Internal Affairs, Brooke van Velden e moni e talafeuga le toe faaopoopo o isi tupe mo le levy lea o loo totogi agai i le pulega a le tineimu.
O levy lenei o loo totogi e tauala atu i inisiua o taavale, fale ma isi meatotino ma o le aso ananafi na sau le tala mai le tineimu o loo manao e sii.
Peitai o se tali a le minisita na ia ta’ua ai lona amanaia o le auaunaga a le tineimu o loo faia mo tagata ma e moomia foi le tupe e faatupe ai, peitai e tāua foi le mautinoa o loo lelei ona faasoa ma pulea.
E lē o atoa le talitonu o le minisita e talafeagai le siitaga e 5.2% lea o loo faatalosagaina mo le tausaga e 2026 agai atu i le 2029 ma o lea ua ia tusi ai i le tineimu ma tāpā faamaoniga e lagolago ai le siitaga aemaise o sini o loo mananao e ausia faatasi ai ma le pulea lelei.
O se siitaga e totogi e tagata taitoatasi, aiga faapea pisinisi ma o loo moomia ai e van Velden le faailoa mai o auala o loo faia e le pulega e faasoasoa lelei ai ma mautinoa o loo iai i se tau gafatia mo tagata uma.
O loo faatali le minisita i se tali mai le tineimu i le mae’a ai o faatalanoaga, a o lei alu i le Kapeneta.
Puna o Faamatalaga: Minister ‘not convinced’ Fire and Emergency needs further levy boost | RNZ News
