E lē auai le FAST i le manatu a le Ao o le Malo

Na tuuina atu se tali tusitusia a le taitai o le Vaega Faaupufai a le Faatuatua i le Atua Samoa ua Tasi, le FAST i le Ao Mamalu o le Malo Afioga Tuimalealiifano Sualauvi II faatatau I le mataupu o le finagalo faaalia a Tuimaleaalifano ina ia toe valaauina se faigapalota fou.

Taua e Fiame i lea tali tusitusia

1.“ E talosaga atu ma le ava, ina ia faaauauina pea le tulaga faa le tulafono o loo tulai mai nei, aemasie o le iloiloga pe faamata e tusa ai ma le tulafono le tofiaina o le sui faaopoopo mo le Palemene aemaise o se faaiuga ia maua ai se auala manino faaletulafono e tusa o se Palemene le mautinoa;

2. Ina ia faatumauina le manaomiaga oi lau Afioga e valaauina ai le fonotaga a le Palemene i le Aso 24 Me 2021;
a). Ia faatautoina ai le Vaega Faaupufai o le Faatuatua i le Atua Samoa ua Tasi, ma o le faigamalo fou lea,  aua o lea ua mafai ona matou faamaonia sui e 26, ma ua o latou lagolagoina malosi foi le tofiaina o a’u nei, e avea ma Palemnia;
e). ia faamaonia ai i lena taimi pe o tutusa palota mo a’u ma le taitai ia poo ai lava o le Vaega faaupufai e Puipuia Aia Tatau a Tagata.”

Taua e Fiame “talu ai ona o loo o tatou i le vaitau o se Finagalo le Tumau, e lē moomia sou taliaina o se fautuaga a se Palemia lē tumau, aua ua leai foi ni Minisita o le Kapeneta.”

LAUILOA

Keep uptodate with Radio Samoa activity & promotion

* indicates required