Pe ā ma le ono itula na faataututu ai leoleo ma se tagata i le itu i Saute i Sisifo o Sini i le po anapo ina ua valaau ane le latou fesoasoani i se faalaelave i Prairiewood poo le ta o le 11.
Fai mai le 9News e talitonu o le valaau e faatatau i se vevesi a se aiga ma pe ā ma le 20 leoleo na agai atu ai i lea nofoaga e aofia ai ma leoleo faapitoa ma le aufaigaluega a le taavale a le falemai.
Toeitiiti ta le lima i le vaveao analeila ae faatoa mae’a le taumafaiga o le mataupu lea ina ua kiki i lalo e leoleo le faitotoa o le fale lea ma pueina ai loa se alii e 39 tausaga le matua.
Fai mai le lipoti na aveese filemu mai e leoleo lea tagata ma e lē nofo ai i lea fale.
Fai mai sa iai foi se tamaitai na iai i totonu o le fale i lea taimi ae e leai ni manu’aga o lipotia se’i vagana le tagata lea na pueina ma o loo faia pea iai suesuega.
Comments
Loading comments…