Epeleli Kaihau
Epeleli Kaihau
Photo: Stuff

E $4000 se tino i tupe ua fai meaalofa atu ai De La Salle mo Epeleli

E 15 tausaga o se alii talavou ia Epelelil Kaihau lea ua tuu atu ai le fesoasoani a ana uo o loo o latou aoaoga faatasi i le Kolisi o De La Salle ae faapea ana faiaoga e ala i se seleni na o latou aoina e fesoasoani ai mo ia ao feagai ai ma ma’i tuga o le tino.

O Epeleli na fiafia e taalo lakapi ma i se tasi o ana taaloga na fetoai ai lea alii ma se tasi o sui a leisi au ma ia faalogoina ai le tiga o lona ulu. Ina ua maea siaki a le falemai ma faamaonia ai o loo iai se tumour i lona faiai (sei tulou).

Epeleli Kaihau
Epeleli Kaihau Photo: Stuff

O se tulaga na matua ootia ai le alii talavou ma lona aiga ma feagai ai ma le tele o lu’itau i le sailiga lea o se togafiti mo Epeleli.

O le taimi nei  ua savali i le fa tausaga talu ona feagai o ia ma togafitiga talu ona maua le tumour i lona faiai.

O le galuega alofa la a ana uo ma faiaoga o le vasega 10 Dean i De La Salle lea na aoina ai se seleni e $3000 tala Niu Sila ma le $1000 tala mai lava i le taga o le alii faiaoga ia Aaron D’Souza ma maua ai le aofaiga atoa e $4000 tala.

O le latou lea fesoasoani e tuu atu ia Epeleli mo ana fuafuaga i ni vaega e manaomia ai e ia le fesoasoani. Taua e Epeleli le lagona faafetai ona o le seleni ma na te le’o mautinoa pe faafefea ona faaoga le meaalofa tupe ua tuuina atu.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required