O lea ua oo I le faiga o booking taufaasese gaioiga a I latou o loo tetee I le tui
Faailoa e le peresetene o le Royal New Zealand College of General Practitioners, Sam Murton e iai bookings taufaasese mo le faia o tui o le Koviti na maua I na I aso talu ai, aofia ai ma bookings na faia ao loma le Super Saturday faatoa uma atu
O bookings taufaasese nei na faia mo se tasi o pitonuu o Gisborne ma o ni faiga ua faanoanoa ai le peresetene e le gata o le maumau ai o avanoa sa tatau ona o atu ai tagata o moomia le faia o tui, a’o le maumau ai o vailaau na tapena atu a le Pfizer lea e vave ona uma le aoga pe a le faaaogaina
Saunoa Murton I tala a le Newshub, e amanaia pea talitonuga o I latou e le auai I le tui peitai e leai se aia tatau o le a o latou faia ai fua ia gaioiga e aafia ai faaiuga a isi tagata
Ua le fiafia ai ma le matagaluega o le soifua maloloina ma e faapea e le gata e pepelo igoa na faaaoga ae faapea numera
Ua faatalosagaina ai e Murton leoleo e faia se suesuega faasaga I lea mataupu
