O galuega o loo feagai ma le ‘aumāulu a le fitafita o le sami o le malo o Niu Sila mo le aveesea o pusaoloa e tolu o loo tafefea solo i gataifale o nuu o loo goto ai le vaa su’esu’e o le Manawanui, o lea ua faailoa i se lipoti i le Aso Lua o le vaiaso nei mai le ofisa sinia o le fitafita o le sami a Niu Sila, ua mafai ona aveesea pusaoloa e lua e aofia ai le pusaoloa o taumafa ma le pusaoloa o loo tuufua.
O le pusaoloa meaai na ave sa’o i le nofoaga o loo lafoa’i ai otaota ma aveesea ai taumafa i se tulaga malupuipuia mai ni aafiaga o le siosiomaga, ma ua mae’a lea galuega.
O le Aso Lua foi na faaauau ai galuega mo le aveesea o le pusaoloa lona tolu.
