Ua saunoa le minisita o le va i fafo a Ausetalia, Penny Wong o le taimi nei ua aveesea mai nisi tagata Ausetalia mai Lepanona a o faatulaga atu nisi faigamalaga mo le aveesea mai o isi.
Ua ta’ua e Wong o loo galulue faatasi nei ma atunuu e pei o Kanata ma le UK i lea tulaga ma o tagata Ausetalia na mafai ona aga’i ese mai i le aso ananafi na faaaogā ane faigamalaga faapisinisi e aga’i ese mai ai ma ua iai ma avanoa ua mae’a ona faatonu mo faigamalaga o le aso a taeao.
Ua fautuaina e le minisita tagata Ausetalia i Lepanona ua fia aga’i ese mai ina ia lesitala i le matagaluega o le va i fafo ma fefaatauai’ga, e faaaogā ai le auaunaga i upega tafailagi.
Ua toe faamamafa ai ma le lapata’iga mai le Malo o Ausetalia i ona tagata ina ia taofia le toe malaga i Lepanona, o se lapata’iga na mua’i faia mai lava ia Oketopa o le tausaga talu ai.
Mo le taimi nei i Isaraelu ua toe tatala femalagaa’iga i le ea i le mae’a o le osofa’iga a Iran.
Puna o Faamatalaga: https://www.9news.com.au/world/israel-iran-lebanon-live-updates-missiles-fired-into-israel-in-middle-east-conflict/ef62e389-9dc1-44c2-a8c5-4b5c5abe4343
