Sulamanaia
Faipule Vaimauga Nu.1 Sulamanaia Tauiliili Tuivasa

Aveese le sui o Vaimauga Nu.1 mai le fono a le Palemene

O le sui faipule mo le itumalo Vaimauga Nu.1 afioga Sulamanaia Tuivasa Tauiliili lea ua ave i fafo ma le maota fono ina ua e’e i totonu o le Palemene a’o tulai mai se feteenaiga o manatu o nisi o sui o le fono. 

O le ave ai i fafo o lea sui mamalu ina ua mae’a ona tuu atu le faaiuga a le Fofoga Fetalai Papalii Li’o Ta’eu Masipa’u i le mataupu o loo tuua’ia ai le taitai o le latou vaega faaupufai a le HRPP lea ua tuu atu nei i le Komiti suesue faapitoa e iloiloina le mataupu i le faitioga tusitusia ua folasia i luma o le Palemene. 

O se feteenaiga o manatu o le Minisita o Faatoaga ma Faigafaiva Laauli Leuatea Polataivao Schmidt ma le failautusi o le HRPP Lealailepule Rimoni Aiafi na valaau atu ai ma le sui o Vaimauga ina ia o ifo e fusu i totonu o le maota fono. 

Na tulai ai ma le taitai o le atunuu afioga i le Palemia Fiame Naomi Mata’afa e faatu le lafo e ave i fafo le sui o Vaimauga Nu.1, faatonuina ai ma le satini e ave i fafo lea sui. 

Na lagona le lē fiafia o le taitai o le Itu agai ma le sui o Faleata Nu.3 ona o le lē maua o se avanoa e tali atu ai i nei tuua’iga faasaga ia i laua i totonu o le Palemene o le ala lea na afua ai ona feteena’i manatu i totonu o le maota fono. E 1 le aso ua faasā ai le sui o Vaimauga Nu.1 mai le fono o le Palemene. 

Scroll to Top

Keep uptodate with Radio Samoa activity & promotion

* indicates required