O le brand a Ausetalia i auaunaga i vaa mo tafaoga poo cruise ships, le P&O o le a oo ina mou atu ina ua faailoa e le kamupani e anaina o le a tuuina faatasi ma le Carnival Cruise Line i le amataga o le tausaga fou.
O le faamatalaga e faapea ua faia lea fuafuaga ia faasaoina ai seleni.
O le faia o lea gaioiga o le a tuufaatasi ai loa vaatetele o le Pacific Encounter ma le Pacific Aventure i lalo o le Carnival Cruise Line, o lona uiga o le a fā ai loa vaa a le kamupni lea e tautuaina le Vasa Pasefika i lea ituaiga auaunaga.
O le isi vaa a le P&O o le Pacific Explorer ua ta’ua e faamalolo ia Fepuari o le tausaga fou, se tasi foi lea o vaa e masani ona afea Samoa i ana faigamalaga.
Puna o Faamatalaga: https://www.9news.com.au/national/p-o-cruises-to-disappear-carnival-corporation/24812b05-43fe-4450-882f-ece09d592a87
