O le vaega e faatonutonuina tulaga tau tupe i Ausetalia le ASIC ua o latou faatonuina se tasi pisinisi lavalava i le teritori i matū e taofia le faaaoga o le centrepay i le latou auaunaga ona o popolega i le ono aafia ai o tagata Apoliki i itu tau seleni poo financial risks.
O le lona lua ai lea i le teritori i matū ua aveesea a latou auaunaga mai i fesootaiga ma le centrelink, o le isi kamupani o le Urban Rampage na faamuta i le amataga o le tausaga nei lava.
O le faatinoina o le auaunaga e mafai ai e le tagata ona faaauau pea ona totogi mo se taimi a latou faatau ma auaunaga tauala mai i a latou penefiti e maua mai le centrelink.
Tā’ua e le sui o le fale’ofu lea o le Indy C lea na agai iai le faamatalaga a le ASIC o le latou auaunaga e fesoasoani i tagata ma ua faailoa foi le lē fiafia o tagata i lea faaiuga ua tuu ane.
Peitai na faamanino e le ASIC o le popolega o loo iai ona o nisi o le au faatau ua matuai faatino faatauga ao le mea moni e le o gafatia i le faasoa o loo iai i le taimi nei.
Puna o le Faamatalaga: https://www.abc.net.au/news/2024-12-05/asic-kicks-nt-clothing-shop-indy-c-off-centrepay/104686682
