Ua toe faaleaogaina e Ausetalia lana sa I luga o atunuu e valu mai Aferika I Saute

O Ausetalia o se tasi lea o le toatele o atunuu na vave ona taofia I le faaiuga o Novema pasese mai Aferika I Saute ona o le Omicron

Peitai I ripoti o le faaiuga a Ausetalia ua faia nei ua mafua lea ona e le o toe moomia ia sa o lea ua tele lava ina maua le Omicron I le tele o atunuu

Ae I se vaaiga o le alu a le Omicron ua iai, o lea ua maua I atunuu e 77 ma ua silia ma le 13,000 cases faamaonia

Ae I Ausetalia lava ia na o ia o le aofaiga o Omicron cases e oo mai ananafi ua 109 ma o loo faaauau pea ona faaopoopo

O le aveesea o sa na faia I luga o nei atunuu e valu, na sau ai I le aso e tasi na faailoa mai ai foi ua ioeina e Ausetalia le feoai saoloto ma Korea I Saute faapea Iapani