E to’alua ni alo o Samoa mai Māngere – o tagata taaalo na fai ma avefu’a o faaitu o Aukilani i Saute a o lo la faasinomaga Pasefika i taaloga Olimipeka, e faasino mo i latou e iai aafiaga tumau o le soifua – Special Olympics National Summer Games.
O lenei taaloga tele na molimauina ai le silia ma le to’a afeluaselau tagata taaalo mai le 42 o kalapu, na tausiniō i le 10 o taaloga na faatino iai lea taaloga tele.
O le alii o Jared Lutu o se Samoa ae o se tagata e iai ona sootaga i le Cook Islands, o lenei alii e feagai ma le gasegase ua ta’ua o le autism ma o sē ua tele tausaga o auai i nei taaloga.
Faaalia le telē o le sao a Jared i le Māngere club, faatinoina o toleniga ma fesoasoani i le to’atele o tagata taaalo, o lana fesoasoani lea i le faia’oga o le kalapu ia Maria Lee, o se vaaiga ua atagia mai ai le itu o se ta’ita’i o lenei alo o le atunuu.
O Silafai, e 22 tausaga lona matua ma o lea na amata auai mai i le 3 tausaga talu ai mo le kalapu.
Faaalia le fiafia tele o lenei tama’ita’i e auai i nei taaloga e pei ona iai taaloga o le velo tao poo le javelin, o tamo’ega ma le taaloga o le shotput.
Faamanino e i la’ua nei le tāua o aganuu ma le avanoa e auai faatasi ai i soo se faatasiga lava (cultural pride, inclusion), o le fiafiaga foi o le to’atele o tagata Pasefika o loo iai aafiaga o le soifua e auai i taaloga nei.
Puna o Faamatalaga: https://www.rnz.co.nz/international/pacific-news/582211/mangere-athletes-repping-pacific-pride-at-the-special-olympics-national-summer-games
