Ua faamaonia ma ua ave le lagolago a le pati a le Labour ia Efeso Collins ao momoe ai mo le tofi pulenuu o Aukilani
O lea faamaoniga na faia I le faaiuga o le vaiaso I le maea faatalanoa ai o sui o le pati, ma e le I iai foi se isi na o Collins
I se faaiuga a le pati ua faailoa ai o le a tusia lea I tala faasolopito le uluai tagata Pasefika e avea ma pulenuu o Aukilani
I ripoti a le leitio a Niu Sila ua faailoa ai e Collins lona manaoga ia avea o ia o se pulenuu mo tagata ma ua ia faailoa foi le fiafia tele I le lagolago a le Labour
O Collins na ia faailoa I le masina o Ianuari ana fuafuaga e fia momoe o le pulenuu, ma I lea taimi na ia faaalia pe iai pe leai le lagolago a le Labour e momoe lava
O le amataga o le masina nei na faailoa ai e le o loo tu mai I le tofi, Phil Goff e le o iai sona manao e toe momoe, ma I lona manaoga ia tulai mai se isi taitai laititi e sosooina, ma Collins I lona iloa o se taitai o le augatupulaga fou
O Collins o le councillor mo Manukau talu mai le tausaga e 2016
