Ua avea le Minisita o Galuega tetele ma fela’ua’iga e aofia ai le faalapotopotoga o le malosi tau eletise, e momoli se upu faamafanafana ma se faamaisega i le tina ma le fanau faapea aiga o se tasi o tagata faigaluega o le malosi faaeletise ua maliu, e pei ona iai le talitonuga na sipaka a o faia se galuega i se laina eletise i Motootua i le Aso Lua o le vaiaso na te’a nei.
O auala o fesoota’iga a le matagaluega tetele a le Malo na faasalalau ai le saunoaga faamaise a le Minisita le tofa Olo Afoa Fiti Vaai, i le maliu o le susuga Vaeve’a Lailai Kosetatino Faumui, ua 23 tausaga o galue mo le faalapotopotoga o le malosi tau eletise.
O loo faia se suesuega faalotoifale a lea auaunaga tuma’oti a le malo e saili ai pe na faapefea ona aafia lē ua maliu i le eletise.
O le saunoaga faamaise a le afioga i le minisita o galuega tetele ma fela’ua’iga e aofia ai le faalapotopotoga o le malosi tau eletise, le tofa Olo Afoa Fiti Vaai.
