Search
Photo: RNZ

Ave e Niu Sila tagata faigaluega a le malo e fesoasoani ia Niue

Ua ave e Niu Sila tagata o loo galulue mo lona malo e fesoasoani ia Niue.

O le tala mai lea i le mae’a fono o le minisita o le va i fafo a Niu Sila, Winston Peters faapea le ta’ita’i o le malo o Niue Dalton Tagelagi i le faai’uga o le vaiaso.

O tagata galulue nei mai Niu Sila e o e fesoasoani i tagata o loo taumafaia le malo o Niue ma e tusa lona faatupeina ma le $13 miliona i totonu o le silia ma le 5 tausaga o i luma.

O le iai o le minisita mai Niu Sila nei i Niue a o faauma ai lana malaga taamilo i le Pasefika, na maua ai foi lona avanoa e auai i le sauniga o le suatiaina o le eleele e amata ai le poloketi $20.5 miliona a le Palemia o Niu Sila, Christopher Luxon lea na faailoa i le masina talu ai mo Niue.

O lenei poloketi e talitonu o le fofō lea o le faafitauli ua autausagā o tigaina ai Niue i le motusia soo o le eletise.

O tagata faigaluega o le malo o Niu Sila ua ta’uta’u e o i Niue, o le a malaga ai i malaga pupuu faavaitaimi.

Puna o Faamatalaga: NZ to send civil servants to boost Niue’s public sector | RNZ News

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required