E lua fale, o se taavale o le ituaiga o le Mercedes-Benz ma le ono o tusitupe ua aveesea mai e leoleo mai se alii i Sini nei o loo tuua’ia i le aumaia o le fualaau faasāina o le cocaine i le atunuu.
Fai mai a aofa’i le tau o ia mea e oo i le 4.4 miliona ma o se alii e 41 tausaga o loo fetauau’ina sa ia aumaia le tusa ma le 2.1 kilo o le cocaine i Ausetalia e faaauala mai i le meli i le tausaga na te’a nei i le masina o Fepuari. Na pu’eina ma molia e leoleo peitai la o le vaiaso nei ua ave ai ana aseta e aofia ai ma se fale i Sini ma se isi foi fale i Kuiniselani.
Ua tuuina ai ma se lapata’iga a le Australian Federal Police i tagata o loo faatino ia soligatulafono, o le tulaga lava lea o le a oo foi iai pe a oo ina faatino galuega a leoleo ma maua i latou ia.
