Faamalosia le ave e se tinā o si ana tama e 17 tausaga i le falema’i i lana taavale ona o le lē lava o taavale a le falema’i e avanoa ane.
Fai mai lipoti na matapogia le tamaitiiti 17 tausaga lea i le gym sa iai i le latou faaitu i Lismore ma vili ai e le aufaigaluega a le gym le taavale a le falema’i.
Na faamatala e le tinā o le tamaitiiti sa iai foi i le gym o se tulaga faigata tele na vaaia ona e silia ma le itula o faatali mo se taavale a le falema’i peitai e leai lava.
E 20 minute le umi e malaga ane ai mai le gym i le falema’i ma sa faavave loa si tinā ona ave ane lana tama i le taavale ma faavave loa i le falema’i.
E le’i fia faia se faamatalaga mai le Northern New South Wales Health District i le lipoti lea ae o le popolega o lea tinā ma nisi ua faafofoga i lenei lipoti pe faapefea pe afai e leai ni taavale a le falema’i e avanoa ae mana’omia vave le fesoasoani e nisi ma i’u ina ma’umau ai se soifua.
Fai mai le to’atele o se mataupu lenei ua alagātatau ona silasila toto’a iai le faigamalo a NSW.
O le tamaitiiti na aafia ua faasolo manuia i le taimi nei fai mai le to’atele e faafetaia foi le lē nofoa’i o le tinā ae gaioi e faatino se fesoasoani mo si ana tamā.
Puna o Faamatalaga: https://www.abc.net.au/news/2024-11-07/ambulance-paramedic-shortage-forces-mum-to-drive-to-hospital/104563366
