COVID vaccine

Avanoa mulimuli mo I latou e galulue I tuaoi ae o loo teena tui puipui o le Koviti

O le aso faasolo atu I le faaiuga o le masina nei e tatau ona faia ai tui o tagata galulue I tuaoi o Niu Sila, a leai o le a aveesea mai galuega o loo galulue ai

O le piriota lea ua faailoa mai e le tamaitai palemia, Jacinda Ardern, ma e aofia ai I latou e galulue e malaevaalele, sikulati, tagata galulue I faletalimalo, uafu faapea le loaloa o I latou e galulue I tuaoi

O le sau o le siaki o le sikulati i le vaiaso talu ai ua maua I le vairusi ae e le I faia lona tui na toe iloilo ai lenei mataupu, ma ua taua ai e Jacinda o le taimi mulimuli lea ua tuuina mai mo nei tagata galulue, a leai loa o le a aveesea mai galuega o loo galulue ai

O le toatele o tagata galulue I tuaoi o lea ua maea faia o latou tui, ae mo le vaega itiiti o loo teena tui, ua toe pau lenei o le avanoa ma ua saunoa ai foi Jacinda e le o I latou uma o le a faigofie ona maua pea avanoa faigaluega e agai iai I totonu lava o fale faigaluega o iai I le taimi nei

O le faia o o latou tui o le Koviti o se faaiuga ia tuuitiitia ai le tulaga lamatia o o latou soifua faapea tagata lautele ona o le vairusi

O lea ua savali le 8 vaiaso o faasolo tui puipui mo tagata galulue I tuaoi, ma o I latou foi nei o loo ave iai le faamuamua sosoo atu ai ma o latou aiga

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required