O lea ua faailoa e le faalapotopotoga o le faaputuga tupe mo le lumana’i manuia o tagata poo le NPF o loo iai pea le avanoa e faaali ai lagona o le atunuu lautele ma le au fai saofaga o le NPF pe lagolagoina le polokalame o le inisiua o le soifua mālōlōina.
I se faasalalauga faala’ua’itele o loo faaalia ai e lea faalapotopotoga a le malo o le Aso Faraile o le vaiaso nei le aso 28 o Fepuari o le avanoa mulimuli lea e faaali ai finagalo i lea fuafuaga a le malo.
O se avanoa lea mo le au fai saofaga a le NPF ma le atunuu lautele o loo fia auai i le polokalame.
E pei ona silafia o se tasi lea o fuafuaga ua leva ona pasia ai e le Palemene se tulafono peitai sa lē faataunuuina, ae o lea faato’ā faatino.
O loo iai i latou o loo teena ae iai foi le au fai saofaga ma le atunuu lautele o loo lagolagoina malosi le faia o se inisiua mo le soifua mālōlōina.
