Ua fautuaina nei e le Matagaluega o le Soifua Maloloina mātua uma o fanau mai le 12-17 tausaga le matutua o lea ua mafai ona faatino tuipuipui o le booster mo i latou ia. 

O lea faasilasilaga na tuuina i luga o le upega tafailagi a le Matagaluega (Facebook page) i le vaiaso na te’a nei ma o loo iai le fuafuaga e amata i le vaiaso nei. 

O nofoaga o loo mafai nei ona fai ai tui o le booster a le fanau e aofia ai Falema’i faaitumalo, o le fale a le E.P.I. i Motootua faapea le Health Centre a le Matagaluega i Matagialalua. 

Ua fautuaina ai foi e le Matagaluega le tāua o le faia o lea tui lona tolu a le fanau e saga puipui mai ai i aafiaga o le Koviti-19 o loo sosolo faaafi nei i le lalolagi atoa. 

I le taimi nei o loo tumau le aofai o i latou ua ma’umau soifua i le faama’i i le to’a 28 ma le silia i le to’a 14,000 ua aafia i āuga o le Koviti.