Search
Photo Credit: S.W.A.G.

Avanoa aoaoina ai tina ma tamaitai i le faafaileleina o le lagomeli mo le gaosia ai o le honey

O se tasi lenei o oloa o loo taumafai e atinae pea i le atunuu o le gaosiina lea o le honey mai lagomeli.

O le auga foi lea i sui o le asosi o tina faifaatoaga le Samoa Womens Association of Growers (S.W.A G.) e ala lea i le tapueina o le tomai i le faafaileleina lea o lagomeli ina ia gaosia mai ai le honey.

O lenei aoaoga na faatautaia lea e nisi o sui o le Samoa Apiculture Organization Inc o loo ua lava le tomai i le faatinoina o lenei foi vaega.

I se finagalo o le Minisita o Faatoaga i lana polokalame masani Soalepule, Afioga Laaulialemalietoa Leuatea Polataivao Fosi Schmidt e tusa ai o taumafaiga a asosi faapenei aemaise o le lagolagosua a le Malo. 

“E lē o se faalapotopotoga fou ae ua faalauaitele la latou matafaioi ma e lilifa i le itupa o tina ma tamaitai.

“O le talitonuga lava ia e pei ona mafuli ai le malosiaga lea e alu i le taimi nei i fualaau’aina fualaau taumafa mata e fetagofi ai loa aao o tina alu i le atoa.

“Ae o le faamoemoe o le Matagaluega ina ia mafai ona tuufaatasi se tino se tasi ma o loo faatupulaia pea ituaiga asosi faapenei.

“Pau le itu tāua, o le galulue faatasi.

“Aua a tupu mai ma fua lelei faaeleeleaga ia ua tapena mai le Malo i le isi pito e sue maketi e ave ai oloa nei.”

O loo unaia malosi foi le pitolaau a le Malo e ala i ana fesoasoani mo asosi faapenei auā le alualu i luma o ana atinae.

“O le tele o asosi nei o le a faatulaga, manatua foi le $10milion Euro lea sa ou alu saini i Fiti, o le faamoemoe o le seleni lea e lilifa tele i asosi.

“O lona uiga e tatau ona faamalosia ma faamautuina ona ua tele ina iai asosi faatu, ne’i mavaevae toe faavae le isi asosi.

“Ua matuai tatau ona tatou vaai ma le toto’a i le faamautuina e le gata ina faavae ae ia faaauau lava auā e gasolo mai augatupulaga ae ua mae’a faataatia vaega uma.”

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required