O se vaega tele o le setete o Niu Sa Uelese o loo motusia mai ai pea le eletise e oo mai i le taimi nei talu mai uiga loulouā o le tau i le aso ananafi.
Fai mai le 9News pe ā ma le 50 afe fale ma pisinisi o loo motusia mai ai le eletise ae e to’atasi foi le tagata na ma’umau ai le soifua i le aso ananafi, o se tamā matua e 76 tausaga le matua na maliu ina ua pa’ū se laau i luga o se fale i Glenworth Valley Road i le Central Coast.
E fai si ogaoga o aafiaga o timuga ma to faata’uta’u aemaise faititili ma uila na molimauina i le aoauli ananafi faapea ma savili malolosi.
Ua ta’ua e le SES le vaega e feagai ma fesoasoani, e silia ma le 2 afe valaau mo se fesoasoani na faaoo ane i le aso ananafi mai komiuniti i Niu Sa Uelese ma sa molimauina fale ua leai ni taualuga, tele o fale ua faaleagaina, aemaise o auala.
O se tasi itu ua faamauina e le vaaitau o le vevela mai lava i le taeao ananafi lea foi ua toe faalogoina i le asō.
Ua lapata’ia le atunuu feoa’i ina ia silasila ma siaki le tala o le tau a o le’i faataunuuina faigāmalaga ina ia mautinoa le saogalemu.
Puna o Faamatalaga: https://www.9news.com.au/national/nsw-storms-severe-weather-damaging-winds-large-hail-sydney/527cdd97-b529-44e5-adac-97b7ab338aad
