Ua folafola e le Palemia o Ausetalia, o Anthony Albanese o le a amana’ia ma faaaloalogia i latou uma sa taumafaia galuega lavea’i ma fesoasoani i le faalavelave i le matāfaga i Bondi.
O le feiloa’iga a le Palemia ma tusitala i Canberra i le asō na faailoa ai lea tulaga ma ia ta’ua ai foi ua mae’a ona ia tusi i le Kovana Sili o Sam Mostyn ina ia talosaga le faatulagaina o se lisi fou mo ia faailoga faapitoa.
Fai mai le Palemia o le a amana’ia ai tagata ta’ito’atasi ua faatutū atu suafa ma fautuaina mo ni faailoga poo awards mo lo latou loto toa i le taimi o lea faalavelave.
Fai mai e faapea foi le tulaga sa faia i isi faalavelave tetele faapea muamua e pei o le faalavelave i le MH17 ma le faalavelave i Bali.
O ia faailoga faapitoa o le a folasia i le tausaga fou ma ua faailoa foi e le Palemia o ia faailoga e lē taumate o le a mauaina e leoleo, tagata faigaluega o le soifua mālōlōina faapea nai tagata ta’ito’atasi sa fesoasoani ane.
Puna o Faamatalaga: https://www.9news.com.au/national/anthony-albanese-announces-new-honours-system-for-bondi-attack-heroes/c16e56ad-e580-4142-ae11-c09f9b56ccd2
