Ua iu lava ina malie ane le auaunaga a le Youtube i tulafono fou e ao ona o latou usita’ia a o lumana’i ai le faamamaluina o le sā a Ausetalia i le social media mo i latou e i lalo ifo o le 16 tausaga le matutua.
Ua faamaonia ane e le Youtube i le 9News o le a o latou usita’ia le sā lea ma access uma accounts a i latou i Ausetalia e i lalo ifo o le 16 tausaga le matutua.
O le aso 10 o le masina nei e amata faamamalu ai le sā o lona uiga o i latou uma e i lalo o le 16 tausaga le matutua o le a faamuta a latou accounts i le Youtube.
O lona uiga o le a lē toe mafai ai foi ona faia ni a latou tusitusiga poo ni faamatalaga i luga o ni videos ma ata i le Youtube aemaise foi i isi channels.
Ua faailoa foi la e le Youtube o le a lē toe mafai foi e mātua ona faaaogā le parental controls lea e mafai ai ona o latou faatonutonu ma poloka nisi ālaata.
E ui la i lo latou usita’ia o lea aiaiga i lalo o tulafono fou a Ausetalia peita’i ua lipotia le faitioina e le Youtube o ia tulafono fou.
O le latou finau e lē mafai e ia faiga fou ona puipuia tamaiti mai luga o upega tafa’ilagi.
Puna o Faamatalaga: https://www.9news.com.au/national/social-media-ban-australia-youtube-agrees-to-adhere-new-laws/23d2b230-18c7-4deb-bb18-b6f444802176
