O lea ua ioe le malo e faaopoopo le isi $13.55 miliona mo food banks faapea isi vaega tumaoti o loo tauala mai ai fesoasoani tau meaai faapea isi auaunaga lautele
O le faasilasilaga lea mai le minisita o le Social Development, Carmel Sepuloni ao faaopoopo le manao mo auaunaga lautele aemaise lava meaai
O loo iai I totonu o lea vaega tupe le $5.5 miliona mo food banks I totonu o Aukilani, ao le isi uma vaega e totoe e fesoasoani ai I tagata taitoatasi ma aiga o loo faaaogaina le Community Connector Service
O le fesoasoani ua toe faaopoopo e ese mai lea I le isi silia ma le $24 miliona na amata faamatuu mai I le amata sau o le Delta ia Aukuso, ma o Aukilani le aai o loo mafuli iai le faasoaina
Ripoti mai faalapotopotoga o loo faasoaina mai I tua I le komiuniti fesoasoani tau meaai, o le tele o I latou ua leai se sapalai ma ua toe moomia nisi oloa faaopoopo e faafeiloaia ai le manao ma talosaga faatoai atu
